dive inside yourself

2006-03-16T00:37:00.000-08:00

اغنيه عيالى
كان فيه زمان اغنيه عيالى بحبها اوي..مافيهاش فن ولا احساس ولا..ولا..لكن جميله.تفكرك بطفل صغير عينيه واسعه ماسك تفاحه بيعضعض فيها.كلماتها بتبدأ:"الواحد واقف مظبوط و الاتنين بتبص عليه ...."
الواحد واقف مظبوط
مش اى حد ياخد رقم واحد، اصل رقم واحد برغم انه بسيط ضله كبير اوى ،واخد تحته حاجات كتير و حتت كتير فعشان يكون رقم واحد-واحد صحيح لازم يعرف يكسب ضله.
مش بس كده، رقم واحد كمان لازم يصلب طوله و يفضل صالب طوله اصله لو فكر حتى يميل سنه يتقلب اتنين و لو مدد مش هيتعرف من الارض-يعنى لو عايز الواحد يسبق واحد صحيح لازم يصمم يصلب طوله.
ناقص حاجه: رقم واحد مش لازمله عيائه يعنى لا طاقيه ولا كرافته هو حلو كده ذى ما هو.لو جرب يلبس طاقيه هيدخلنا فى متاهة الحروف ولو حط كرافته يبقى الواحد الخواجاتى ابو زلومه-لو عايز يا واحد تكون واحد اوى يبقى بلاش عيائه.
خد بالك يا واحد ما هو أصل اللعبه مش كلها عليك.ما تنساش انك اول الارقام و ابوهم, اول السطر و اهم ما فيه.صيتك عالى و صوتك واصل و كلمتك مسموعه و الكل متبعيك.كل ده كده بالساهل؟!
la brize

2006-01-23T00:44:00.000-08:00

بقية الطبق
تفتكروا طعم السما ايه؟ يعنى لو اخدت حته من السما و عملتها كوره ممكن تبقى ازاى من جوه؟
اكيد ناعمه، و اكيد حلوه، و اكيد و انت بتقطم منها مش هتسيب تعاريج.صح ..بالظبط ذى خوخه مدوره و ناعمه و حلوه و من غير تعاريج.
ممكن تكون ما دقتش السما ،لكن دقت الرمان؟ طب عمرك دقت حاجه خليتك تتمنى ان كل الناس تدوقها؟ حاجه تسيب بين شفايفك طعم يخلى مهما الجوع يقرصك ما ترضاش تلخبط طعمها بطعم اى حاجه تانيه؟

يا جماعه هى دى رمانه او بمعنى اصح فرط الرمان .

كنت دايما لما بشوف فرط الرمان باحس انه خساره فى الاكل. اصله بجد اجمل من انه يتاكل و خلاص و كنت باحس انه اقرب للجواهر منه للفاكهه.الله مثلا على عقد فرط الرمان!! لكن لما كنت باحاول اعمل منه عقد كان بيبقى اضعف من انه يستحمل ثوانى و يرجع تانى فرط رمان.
*فى الشتا قدام البحر و انت بتتنفس هوا اسكندريه الساقع ،لابس 50 حاجه فوق بعض و مفيش غير وشك و كفوفك بس هما اللى بيستقبلوا الهوا.تحس فجأه ان كل احساس فيك ممكن تعبر عنه نسمة هوا بارد تلمس وشك او كفوفك.
اهو انا بقه كل ما ادوق الرمان احس بكده! احس ان حبات فرط الرمان يقدروا يعبروا عن كل احساس فيا .

احس بالحريه من تدافعهم وقت الخروج من الثمره ،و بالجمال من روعة درجات الوان الحبه القرمزى الشفاف ،و بالرقه من دوبان الحبات فى حضن شفايفى ،و بالشقاوه من ضحكات رذاذ عصيرهم جوايا و برغم ده كله لو شفتهم و هما جوا الثمره تحس انهم بيندهولك بروح شاربه من الشقا و كأن الشجره متشاله على كتافهم مش هما اللى متشعلقين فيها.

فرط الرمان بقى من غير ما تعرف اسمها تحتار تقول عليها ايه: ريشه حمامه وقعت من جناح مكسور و دواها الهوا ،ولا كام نقطة ملونه وقعوا من ريشة طفل صغير فوق باليته و لما اتجمعوا عملوا لوحه جميله و محندقه
يمكن كمان تقول عليها اوضه و ليها الف باب منهم بابين متغطيين بقماشه سوده و مسنكرين باقفال نحاس و ان شفتهم يمكن تخاف او تفتكرانهم بينادوك علشان تشيل لون الزمان ولو قربت منهم هتلاقى نفخه واحده منك تبين جنه اجمل شجره فيها شجرة الرمان
ممكن كمان توصفها بانها ممكن تلخص الحياه كل الحياه فى اٌهه دايبه و دمعتين و ساعات تقولها بشعره طايره و ضحكه بتخلى الهوا حتى الهوا يدوب حنين

عارف ازاى ممكن تكون مبهور لو انك بتشوف لأول مره ثمرة رمان و لقيت قشرتها بتتفتح و كل حبه بتخلع شالها و تنزل عشان تستقبلك.
تخيل بقه لو قلبك هو اللى كان تحت القشره و خلع شاله و حب يستقبل الحياه.اهى دى بالظبط فرط الرمان:قلبى و قلب خوخه و كل اللى فى الطبق خالعين شيلانهم و بكل ذره فى كيانهم بيستقبلوا الحياه.بالرغم من انهم شايفين سكاكين الحياه و ياما داقوا طعمها و يمكن كمان من مرها افتكروا طعم الحلو راح الا انهم لسه بيعاندوا الحياه.
وكأنهم مقررين يا يدوبوا يا تدوب الحياه.
ناقص حاجه...
فرط الرمان بقه اصعب ما فيها انها سهل اوى تجرى من بين صوابعى و تهرب و تستخبى
هاعمل ايه؟ ما هى لازم تفضل فرط الرمان...
مازلنا فى الطبق
La brize

2006-01-16T02:10:00.000-08:00

فاصل.. و نعود للفاكهة

إنسان جديد

كان في زمان انسان حزين

بقيود كتير مشدود سجين

بيقول يا مين ينجدني مين

شاف الطريق قدامه شوك

و خوف و موت.. سنين انين

لكن و رغم الضلمة ده

فضل الامل يلعب بقلبه سنين طوال

يرسمله باب، شبابيك و نور

و قلوب ترفرف ليل نهار

و في يوم حلم

و في حلمه كان بطل همام في طريق طويل

و عليه يفوت بين شوك و خوف

و في ايده شابك جيل بجيل جديد جميل

و كأنه آل محتار ما بين

كل الحياه علشان يكون قلب الحياه

بعد ما يرسم في قلوب كتير جنة بصحيح

صنع الاله

وقف للحظة

و النور كتير

بيلم بعضه يجري عليه

يكسر حواجز و ينط يجي ميت الف باب

و وحدة وحدة الشوك يدوب

و الفرحة تكتر تملى القلوب

و النور يبان

و كأنه جان و في ايده مصباح الامان

و عنها.... داب

بدموعه قال

ساعد يا رب

اكرم و ارضى

قوي الشباب

ارعى عقول.. كل اللي فبها منك يا رب

ارعى قلوب كل اللي ليها حبك يا رب

نور دروب اجمل ما بيها رضاك يا رب

فتح عينيه

صوت الادان

ما الفجر كان بيقول آمين

2005-11-26T03:05:00.000-08:00

انت حر
*فى الشارع : من حقك ان تقول ما تحب و من حق أمن الدوله ان يعاقبك على ذلك

*فى البيت:من حقك ان تقتل اخوتك طالما ان الجيران لا تشعر بك و من حق والدتك ان تقتلك ان اسمعت بكم الجيران

*فى الجامعه:من حقك الا تحضر المحاضرات و تنجح اخر العام بامتياز و من حق كل من يحضر المحاضرات ان يرسب اما نتيجه لاصابته بالتخلف العقلى او الملل العضال او لاخطاء اقترفها الدكتور نفسه

*بين الاصدقاء: من حقك ان ترتدى ما تشائين
و من حق اعز صديقاتك ان ترمقك من اخمص اصابعك الى ام رأسك

*فى المستشفى:من حقك ان تشرح للطبيب شكواك اما بالصياح او بالبكاء او بالصمت الرهيب
و من حق الطبيب ان يسد اذنه او يتركك ليأتى بالمناديل او ان يرقص على انغام موبايله حين تطلبه المدام

*فى المدرسه:من حقك الموجه ان يمنع استخدام العصى فى المدارس
ومن حق المدرس ان يستخدمها فى غياب الموجه
ومن حق الطالب ان يضحك كلما ضرب ضامرا كلمة (قديمه!!)

*فى المصالح الحكوميه:من حق موظف الحكومه ان يتناول افطاره و يحتسى كوب الشاى
ومن حقك ان تضع نفسك فى مشاكل لا حصر لها ان حاولت ان تعترض سنفونية مصه للشاى بطلباتك المزعجه

*مع نفسك:من حق نفسك ان تتمنى ان تصل لحبيبها
ومن حقك ان تقطع كل صلة لك به طالما ان المواصلات صعبه
و برغم كل ذلك ........
مازال...كل واحد حر......

فى رنته..

la brize

2005-11-12T03:13:00.000-08:00

تحت عباية رمضان
اقوى من كل الشياطين..
**قال:يا اخى من بعد العيد ما خلص وانا مش عارف اصلى ولا ركعه قيام.ده الشياطين دول جامدين بشكل.
رد عليه:و اشمعنى يعنى كنت بتصلى فى العيد؟
قال: لأ نبيه! طبعا عشان الشياطين كانت محبوسه.
استغرب و رد عليه:بس ده كان فى رمضان بس!!!!!

تـنسعدى..
** اكثر رواد المسجد من السيدات هم جداتنا المسنات وبعدهم تأتى الشبات من الأنسات و حديثى الزواج ،لذا ان كنت بين صفوفنا لتجد حتما احدى السيدات المسنات تسلم عليك بعد انتهاء الصلاه قائله "حرما" او "تقبل الله" و غالبا ما تبادر السيده بعدها بالسؤال:"متجوزه؟"
"لأ"
"الهى تنسعدى يا رب" و تقصد الزواج طبعا.
و هنا يدور فى ذهنى سؤال:هو فعلا الجواز سعد؟ للست بس ولا للراجل كمان؟ يا ترى هى نفسها انسعدت بالجواز؟ ولا قصدها ربنا يجعل جوازى انا مسعود؟ ولا يمكن تكون دعوه قديمه موروثه من ايام ما كان الجواز سعد؟
.....فى الاخر وصلت الى أن السعد اللى هى تقصده اكيد اكيد الجنه مش احنا فى مسجد برضه!!؟

و الله ما انا سيباك!..
**ازاى يعنى تمشى كده مره واحده؟
و تمشى امتى بعد ما اتعودنا عليك و اتعودت علينا ؟
طب خليك شويه..او حتى خليك على طول يا سيدى هو انت قاعد على قلوبنا.
ده انا اول مره اعرف لون الربيع و اول مره اشم ريحة الياسمين وانا ساجده واول مره ارقص رقصة الفراشه من غير مأقع
و كمان اول مره افهم كلام جدتى و كلام بنت اختى فى نفس الوقت.اول مره اتكلم بلغه يفهمها بابا و ماما و كل صحابى سوى.
خلاص لقيت الحبيب و داب القلب .خلاص قضيت على السحابه السوده و اتعلمت اغوص فى الفضا من غير ماخد دروس لياقه.
ابدا مش سيباك تمشى !!
هاخبى التروايح و الصوم و القران فى حته فى قلبى مش هتعرف توصلها ابدا عشان ما تخدهمش و تمشى ..
والله والله ما انا سيباك!!
LA BRIZE

2005-11-09T01:55:00.000-08:00

باب موارب
ناشفه و غامقه..كلها شويه و مش هتلاقيها،لكن لسه مضايقه عنيك و بتضايق صوابعك لما تيجى تلمسها.
جرح قديم سايب قشره؟ لأ! مش بالظبط.
هى فى الحقيقه قشرة تفاحه معطبه بقالها مده.كل ماجى ارميها تحصل حاجه فأنساها و افضل كل ما أعدى الاقيها.
مش فاكره بالظبط امتى اشترتها و لا ان كنت اكلتها ولا رمتها لكن كل ما أشوف قشرتها تفكرنى ان فيه تفاح معطب.باين عليها قاعده عشان كده و مش هتخلص الا لما تثبت فكرتها فى دماغى و ساعتها هرميها فى ركن بعيد فى دماغى و هحط معاها ورق القصايد الاصفر و كارنيه المكتبه الدايب و الصور القديمه.و بس؟لأ!!هأقفل عليهم باب ولا.......احسن اسيبه موارب؟
LA BRIZE

2005-10-30T01:58:00.000-08:00

ااااااااميييييييين
يااه!قد ايه جميله كلمة "اااااااامييييييييين"وكل الناس فى المساجد بتقولها فى نفس الوقت، كل يوم فى كل ركعه بعد سورة الفاتحه.
تخيل كده كل المسلمين فى الارض بيدعوا كل يوم بنفس الدعاء(سورة الفاتحه)كل يوم و بكل قوه و فى نفس واحد يقولوا "ااااااااامين".
ياااه!ده لو حد حكالى قصه و قال "و كلنا و قفنا ندعى ان الارض تتزلزل تحت رجليهم و كلنا قلنا "اااامين" فى نفس واحد،هأجرى استخبى للارض تتهز بيا.
احساس رهيب و انت بترفع صوتك وايا الناس كلهم وانت بتقول "ااامييين".ذى ما تكونوا كلكم بتحفروا بير خير و تضرب ضربتك معاهم فى نفس الوقت.ضربتك تفرق و دوبان ضربتك فيهم بيخلى ودانك تحب صوت الضرب و ما ترتحش الا لو سمعتها منه شويه كل يوم.
ايه احساس جزيئات السكر و هى دايبه فى الميه؟مش عارفه ليه حسيت انى اعرفه وانا بقول "اااااااميييين"
LA BRIZE

2005-10-30T01:57:00.000-08:00

اخضر و بأستيك من فوق
"خناقه"
ده شكل الحوار الثقافى اللى بنشوفه على شاشات التليفزيون و فى اى حته قرر فيها شوية ناس يقعدوا يتكلموا فى اى موضوع حتى لو كان "الأوته النهارده بكام؟"
هتلاقى اللى يقولك ان الأوته مجنونه و مش معنى انها امبارح كانت ب2 جنيه تبقى النهارده ب 2 جنيه برضه.ده ممكن تكون وصلت 5 جنيه النهارده.
و اللى يقولك مجنونه ايه؟ده الطب عندنا دلوقتى كده!!ده أمريكا بتخطط علشان تسرق الدكاتره بتوعنا.اُماااال؟
واحد تالت يقولك ان السعر اللى بتدوروا عليه ده 2000 جنيه.
ازاى يعنى؟ما هو فهم انكم تقصدوا فستان هيفا الأحمر بس يعنى.. مكسوفين تقولوا و هو واد فتك و يفهمها و هى طايره..
كان فيه اتنين قاعدين هناك .واحد مصمم ان الطماطم بتتزرع فى اسكندريه و التانى راسه و الف سيف ان كل الطماطم جايه من بنى سويف
الاولانى متأكد انها من اسكندريه و عشان كده مجنونه ذى جو اسكندريه بالظبط تلاقيه يحب يهزر معاك دايما يعنى كنوع من التغيير
و التانى شايف ان بنى سويف قلقانه.بيقولوا موضوع الحريق ده السبب.حتى الأوته اتجننت من بعد ما شافت الحادثه
باااس!! كفايه.هو مين اللى عمل ايه؟
ايه اللى احنا بنقوله ده و كنا عايزين ايه؟
سرحان عبد البصير(عادل امام فى مسرحية شاهد ما شافش حاجه) لما الظابط سأله :"الراجل اللى قتل الرقاصه كان لابس ايه؟"
قاله:"شراب.."
قاله:"و كان شكله ايه؟"
رد عليه:"اخضر و بأستك من فوق "
مش بذمتك كان أقرب للموضوع من مثقفى الخناقات؟
LA BRIZE

2005-10-16T02:17:00.000-07:00

اسئله .....رهيبه!!
**سؤال:هل تؤمن بالحب؟
هاه!هتقول ايه؟
طبعا..ده من غير حب مفيش حياه و الحب هو الدنيا و بابا و ماما و المجتمع و الناس؟
ولا هتقول "حب ايه اللى انت جى تقول عليه انت عارف كيلو اللحمه بكام جنيه"؟
ولا هتقولى ان الحب جميل لكن فين؟ و ازاى؟ و منين؟
ولا تحب تسأل انت؟
-هو الحب ليه كام وش؟وش بيضحك عليك و بيضحكلك
ولا وش بيحن عليك لحد ما يضربك بسكينه
ولا وش مريح كله فرحه و خير
ولا وش وراه 100 وش؟
-ولا هتسأل عن ناس سعدا و متاعيس،سعدا حبهم الحب و حبوه و متاعيس حبوا الحب و الحب محبهمش،و فريق تالت فى وسط البحر يمكن مالقاش الحب او لا الحب حبه ولا هو حب الحب.
-عايز تسأل عن جرح الحب؟ تبقى خايف تتجرح ..خد بالك اللى يخاف من العفريت ايه؟
-هتسأل عن فرح الحب؟ تبقى بتدور عليه..الحب ذى الموت بيطب،هو اللى بيلقينا مش احنا اللى بنلاقيه.
اقولك..ريح بالك و اى حد يسألك:"هل تؤمن بالحب؟" رد عليه: الحب ده ذى الرزق.انت مش مؤمن ان فيه رزق؟ هيقولك :اه قول له:طب خلاص بتسأل عن ايه؟

ولو عايز تعرف ليه..فى الحاله ده اقولك ان الموصوع ده فى الواقع قايم على 4 محاور ..
المحور الاول فيه 6 فروع....
فاضى؟

**سؤال:ان كانت مصر ام الدنيا يبقى مين ابوها؟
طبعا مصر ام الدنيا ان ماكنتش جدتها كمان.يعنى مصر لو كانت حضارة 7000 سنه تبقى كوريا الشماليه تقريبا كده بت بت بت بت بتها
يعنى كوريا لما تقع فى ورطه تروح لمين؟
هو لازم تروح يعنى؟ هى كوريا صغيره؟ غيرش بس انها محتاجه تتروى شويه قبل ما ترد علشان ما ترجعش فى كلامها تانى..
كل الحكايه ان الواد ابو قصه اللى عملى فيها امريكانى عاكسها.كوريا بقه خافت فى الاول بس بعد كده ماسكتتلوش و هددته بالسلاح الابيض و الاحمر(شبشبها) كمان..ما اهو اصل العالم ده كده..يا فرعون كان ايه فرعنك...
و طبعا بفرعون هنا انا مقصدش المح ان زيتنا فى دقيقنا و ان ابو الدنيا برضه مصراوى.ده حتى العلم اثبت عدم صحية جواز القرايب.
ايو يعنى مين ابوها؟لسه معرفناش..
والله..علماء التاريخ قالوا يمكن اليونان اهو كان من زمان و مصر على قده
لكن علماء الجيلوجيه بقه رأيهم ان فى العالم القديم كانت العراق و الشام فى نفس القاره او المسطح الارضى الواحد فايه اللى هيودينا اليونان؟ يبقى ابنى
على كتفى و ادور عليه؟طب لو حبت مصر تتطلق دلوقتى؟.......
سكوت يا ساده ..مصر طول عمرها اصيله و هتفضل اصيله.ما قلناش حاجه لكن برضه لما نشوف الخير كل دقيقه بيموت له قريب و حبيب و هو ساكت كده كل سنه بيصيف فى مارينا و يشتلى فى دبى يبقى نفترق بالمعروف احسن..و اهى مصر تلاقى سيد سيده..........هيه سيبه ولا سيبه؟؟؟ ما اخبيش عليكم الف مين يتمناها.
ده حتى الست كونداليزه كل يوم عندنا لولا الملامه كنا سبنلها البيت.
على العموم........اكيد هنلقالها اب.
لأ اوعى تقولها.... معقول !!!الدنيا بنت حرام؟
طب أقولك ....
عليك و علر الD.N.A
La brize

2005-10-15T02:23:00.000-07:00

Reconsidering life
Life can be considered as a set of images, every single person has his own. It's like observing a certain pictures through filters of different colours, through lenses of different magnification powers,through mirrors of different curvatures.Each will bring out an image which you will of course find different from all the others.
This is not actually the case with different persons only.It exists as well for the same person
The difference between your own images can be very distinct when you are in different moods.
What if your image of life is so blurred and you hate it that way
I have a way by which you can change your own filter.Believe me and give it a try!
--Try to feel everything you do ,everything around you.Even if not all the time.The little of it initiates more.You can feel better just like you can hear better when you approach the cassette or raise it's volume.You can monitor it
--Try to unify all your senses into one large almost complete sense by which you can see,touch,smell,hear and taste every single trivial about whatever you do or even about yourself.
Put this big sense always in action.
If you really need a prescription together we can reach one.I can help you to the outlines and draw the first scene for you and you'll find yourself colouring it and drawing the rest of your own.
Ok!then….
close your eyes.help me!
Order your brain to stop striving.
Breathe slowly
Allow every part of you to relax
Smile
Smell the air
Feel it flowing into your body
Try to touch it
Think of how light you really are
Rise with the air around you
Still your eyes closed?
Think of something sweet.
Found it? Of course there is.
Just search well!!
Now! what can you see? A place? A person?Which colours?
Concentrate on the trivials
Every single part
Think of how sweet it can be
How can you take part in this image?
Which role will you play?
Think of every part of the image.
How do you feel about them?
Which taste?Which odour?and what can you hear?
All this won't take except few minutes unless you like it to be more.
Our souls need many nutrients just like our bodies.Allow your soul to be free beyond the doors of your body and the windows of your eyes.
Few minutes won't be too much and your soul will be grateful.
If you don't like it and feel it's just fluffy talk.Beat it. Cordially try to do it and prove its failure.
La brize

2005-09-25T02:17:00.001-07:00

لما الدنيا تنور فجأه
باعرف انه شايللى مفاجأه
ورده،فراشه،حته سكر
و افضل قاعده انا فيها بافكر
واما يجينى يطل عليا
يلعب قلبه بقلبى شويه
ليه هتخبى
طب مانا عارفه
و ابدأ ادور
يمكن جوه الشنطه البمبى
المحطوطه فى قلبه الابيض
او فى بوكيه الورد اياه
اللى شفايفه تكون شيلاه
وقت الضحكه
برضه مخبى؟
طب راح اقولك حاجه كمان
انت جايبلى فيها لبان
احمر و اخضر
و ازرق نيلى
احمر لاجل شفايفى الخايفه وقت الشده
و اخضر لون الشجره الطارحه على باب بيتنا
اما النيلى حكايته حكايه
اصله معايا من ايام ما عرفت اغنى للصبحيه
لسه مخبى؟
مش هتقوللى طب ايه هيه؟
بص فى قلبى شويه و قال لى
هيه حمامه لطيفه شقيه
جبتها من اسبوع و شويه
لكن لما لقيتك جايه
خفت عليكى
لاحسن لاجلها تبكى عنيكى
او بوجودها تشعلق قلبك
يمكن غيرت انا منها عليكى
طارت
لكن قبل ما تمشى
و عدت انها تبقى تزورك
لما اغيب عنك تلاقيها
جايه تمسى
يمكن بيها افكر قلبك
و اضمن ان الشنطه البمبى
والورد المتشال اياه
يفضلوا جنبى
La brize

2005-09-25T02:17:00.000-07:00

حاجه حلوه
لابسه ابيض فى ابيض
ذى لون الهوا او مية الشط
و المراجيح
نايمه
اجمل ما فيها.......
انك تقدر تشوف قلبها
بين ملمحها
فى خدها و عنيها و ايديها
حتى فى شعره عايزه تسيب الرابطه
و مكسوفه.........
تقدر تحس ان كل ما فيها
بيحبها
،و انها عارفه
و مش عارفه
ان مش كل الناس كده
ساعات تتمنى تكون حلوه
و ساعات بتعرف انها حلوه
مش من كلام الناس
ولا من فرحة الهوا و الورد و العيال
لما يشفوها
لكن عشان
خدها وعنيها و ايديها
و الشعره اللى كانت عايزه تسيب الرابطه
فضلوا وياها
......ناعمين...و فرحانين..
La brize

2005-09-25T02:16:00.000-07:00

رومانتيكا
*اعرف لون الفستق فقد رأيته فى عينيك
و اعرف صوت همسات زهور الياسمين حين تتسابق على حبات الندى
فقد سمعت دندنتك للكلمات
اعرف ان للبحر ريح اخر حين يمزج بالورود فقد مرت صدفة الى صدرى انفاسك
و اعرف انك لو سمعت هذا ستقولين شاعر
و تكفينى ابتسامتك حتى و لو لشاعر فقير فيك

*هل تعرفين ان لضوء القمر انامل ارق من اناملك
وان لساعات الشوق حمرة اعمق من حمرة خديك
و ان لتسابيحى فى الفجر نور اقوى من بريق عينيك
هل تعرفين ان اجمل ما فى ذلك كله انك تعرفين
و انك من جعلنى اعرف القمر و المس انامله
و اصادق ساعات الشوق و امتص حمرتها
و اردد تسابيح الفجر و اغتسل بنورها
فاختلط نسيجك بهم
واخرج مزيجا ذو قوه نورانيه تنبع منك و تفوقك

*يعصانى القلم و يتيه اللسان و تتصدر فى الافق كلمه
فانا احبك
و كثيرا لا اعرف ان اقول الا انى احبك
اخشى ان تعتادى عليها و ان تعتقدى انها لزمات لسان
فحين اقولها يكون لسانى واهنا و قلبى حاملا للجام
و يصبح عقلى حاضرا كشاهد عيان
فلتسمحى لقلبك ان يرتعد لها و لتسمحى لروحك ان تذوب فيها
فان كانت قد قيلت لشىء فما لشىء اسمى من ذلك

*احب ان اتسلق مشاعرك لأصل لهذا الحد الذى تبحث فيه عيناك عن مخبأ
و تتخاصم شفتاك طالبة لمزيد من الهواء
حين تتناثر حباتى فى كوبك فتفور لتخرج رذاذا يدغدغ روحك فتبحث عن مفتاح يحل القيود و تخجلى ان تسألينى عنه

*من اين اتى الشعراء بحلو الكلام و هم لم يعرفوك
كيف يحكون عن وطن لم يكن قد خلق بعد
كيف يصفون وجد لم يكن قد وجد بعد
و لكن عذائى انهم تاقوا له طويلا فأنشدوه و ناشدوه
ولو كانوا قد قالوه فيك لكنت قاتل لألوف
La brize

2005-09-25T02:15:00.000-07:00

يوم مع بابا
بابا:شوف يا ابنى انت عارف ان مافيش حد بيحبك فى الدنيا دى قد أبوك و امك مثلا والدتك ممكن تكون بتحبنى بس مش ذى ما ابويا و امى بيحبونى.
سعدون:انا بس..
بابا:اه !! ابدأ بقه فلسفه كدابه و سفسطه فارغه.الكلام اللى انت بتفكر فيه يابنى ده كلام غريب جدا و غير طبيعى
سعدون:ما هو أصل..
بابا:عارف.هتقول ان البشر مختلفين. مش بقولك سفسطه فارغه و كلام فى خيالك انت بس.ما ينفعش نطبقه على أرض الواقع
سعدون:انا بس باحاول..
بابا:غيرك كتير حاول و غيره حاول.خليك واقعى يابنى.اعرف ايه اهدافك.يلا قول...ايه أهدافك؟
سعدون ينظر الى والده مترددا
بابا:أكيد يعنى اهدافك انك تتخرج من الكليه و تنجح بأحسن تقدير ممكن و تلاقى وظيفه كويسه الصبح و تكمل بواحده بعد الظهر لحد ما تعرف الدنيا فيها ايه و الناس اشكالها ايه.أصلك دلوقتى مش عارف حاجه ولا شايف حاجه.
سعدون:بس المفروض ..
بابا:المفروض انك تسمع كل كلامى لأن كلامى هو الصح علشان انا اعرف اكثر منك و انا ابوك اللى بيحبك.صح ولا انا غلطان ولا ده اى كلام ولا احنا ما كناش شباب ولا ايه.
سعدون ينظر الى والده ولا يعرف كيف يجيب
بابا:ايوه !هو ده عيبك.انك مش صريح و على طول ساكت.لئيم..اتكلم يا سيدى .فضفض.هتقول لمين لو ماقلتش لأبوك و امك؟ علشان كده بتقع و تتكعبل و عشان كده عمرك ماهتنجح فى حياتك.
سعدون:حاضر
بابا:لكن اوعاك تقوللى الكره و النادى و الكلام الفارغ تانى مره.انا عدتها بمزاجى المره اللى فاتت.اوعى....سامع!!
سعدون:حاضر
بابا:خلاص هتخليك صريح و تفضفض بكل حاجه؟هو انا يابنى هاكلك؟يعنى هاعملك ايه ولا هى حجج فارغه علشان ماتتكلمش معايا.انا بس باعمل اللى عليا علشان قدام ربنا ابقى مخلص ضميرى.عايز ايه تانى بس؟كل حاجه اديتهالك ما قصرتش فى اى حاجه.لكن انا ندمان على كل الحب اللى اديتهولك و فى الاخر ده يبقى جزائى.اخص عليك.غور من قدامى .يلا مش عايز اشوف وشك تانى.
سعدون يخرج من الغرفه مدندننا :و النبى نولونى الولاعه....عايز اولع روما بحالها.
LA BRIZE

2005-09-16T06:23:00.000-07:00

فاااااااااااشل.....فاااااااااشل
\\*الدكتور:اسف أقولكم انه ما ينفعش.
**الاثنين:ماينفعش؟!!
تنهار الفتاه باكيه و يجلس الفتى و هو فى حاله مزريه
**الفتى:يعنى ما فيش أمل؟
*الدكتور:أمل نجاح زواج بالشكل ده مش أكتر من 20%
يستدعى الدكتور طبيبا اخر و يتحدث الطبيبان محادثه جانبيه
"1st:The heart elasticity of the lady dismatches that of the guy in five different positions.
2nd:An acute case of phobia."
و تنتهى علاقتهما بالانفصال فكلاهما لا يستطيع الدخول فى مغامره قد أصدر عليها الطب حكما بالفشل.
ده فيه جوازات يعرفوها كانوا جايبين 90% و برغم كده فشلت.ال 20% بتوعهم هيعملوا ايه؟//
ممكن يجى اليوم اللى نشوف فيه المشهد ده فى عيادات اختبارات ما قبل الزواج فى بلادنا؟
يعنى هو حساب اللى باقى من العمر و ميعاد الولاده و رسم المخ اللى بيقول ان كان الولد طبيعى ولا معاق من قبل ما يتولد شىء منطقى و عادى جدا و كان أهل القرن اللى فات يتوقعوا حدوثه؟
السؤال هنا :"انت هتعمل ايه؟"
هتسمع كلام الاستشارى الزميل الدكتور المدرس بكلية الطب ولا هتخاف تروحله من أصله مالجواز طول عمره بطيخه مقفوله اشمعنى على أيامنا هتبقى ع السكين!ولا هتبقى عليها و اهو كله بثوابه؟
........ فكر حبه
La brize

2005-09-16T06:21:00.000-07:00

كلام عيال
ريحة الحضانه
عارفين ريحة المكرونه لما بتتسلق و جنبها الصلصه بتتعمل بيبقوا مع بعض ليهم ريحه غريبة كده بس مميزه أوى زى ماتقول مثلا "ريحة الصيدلية" كلنا عارفينها.اهى الريحه ديه بسميها ريحه الحضانه علشان وانا فى الحضانه كانوا بيعملولنا وجبه و كانت غالبا مكرونة بالصلصة و بتبقى الريحة ده قالبه الدنيا و قالبه معدتى كمان.
مكرونه بالصلصه يعنى هأقلب الطبق أو هأخد مكرونايه و أفضل أكل فيها طول الوقت و بالرغم من ان عقوبة قلب الطبق هى الحرمان من الأكل و ده الهدف نفسه الا ان موقف العقوبة كان بيخلينى افضل القعدة مع العيال و أعمل نفسى باكل و خلاص و ريحة الحضانه تفضل محاوطانى من كل ناحيه.
بعد سنين كتير أوى كنت ساعات الاقى ريحة الحضانه هفه عليا وانا طالعه السلم او ماشيه فى الشارع او حتى و انا قاعدة فى بيتنا و ساعتها كانت برضه معدتى تتقلب ذى ما أكون لسه مفروض عليا أدخل أوضة الأكل و أقعد جنب العيال و اعمل نفسى باكل.كأنى كبرت ده كله و لسه جوايا خوف مرتبط بريحة الحضانه و مش عايز يروح.يا ترى كام حاجة فى حياتنا ذى ريحه الحضانه؟ و كام تصرف من تصرفاتنا كان بسبب ريحة الحضانه و اخواتها؟
يا ترى يا ريحة الحضانه ممكن كمان أورثك لأولادى؟؟
La brize

2005-09-16T06:16:00.000-07:00

انا موجود
"لقد انتهت الرومانسيه من حياتنا الى الابد.."
كلام فارغ لا اساس له من الصحه.لا يمكن ان تنتهى الرومانسيه من حياة البشر طالما انهم بشرا.
طالما انك تحيا و بك قلب ينبض فأنك تستطيع ان تحب.
طالما انك تعجب بزهرة تتفتح و تتمايل معها فانك قادر على الحب.
طالما ان فراشه ملونه زاهية الألوان تخطف عينيك و يرق لحبسها قلبك فانك قادر على الحب.
ان كان ديكارت قد قال"انا اشك اذا انا موجود" فعبارة "انا احب اذا انا موجود" لا تحتاج لشرح او فلسفه.لا تسأل عن سبب و لا تتطلب ساعات من التفكير او ايا من التجارب المعمليه،فالاجابه فى متناول يديك فقط ابحث عنها بين الضلوع.
بل انك من السهل ان تعرف ان كنت تحب ام لا.
فان كنت تسمع نغمات الموسيقى فى كل مكان،ولا تستطيع غير اذنيك التقاطها ،فانك تحب.
ان كنت تشم للنسيم رائحه حتى فى معامل الكيمياء ووسط شوارع القاهرة و تسمع له ضحكات عذبه رنانه حين يداعب خصلات شعرك او يقبل وجنتيك فانك تحب.
ان كنت لا تعرف سببا لطاقتك،لافكارك التى ازدهرت،لنغمة صوتك التى لم تعرفها اذنيك من قبل فانك تحب
ان كنت تشعر و كأن قلبك ورقه صغيره مسطحه و مع ذلك قادره على حملك و الابحار بك فى السماء بين السحب القطنيه الدافئه فانك تحب
ان كانت شفتيك تسبقاك بالابتسام و تترقرق دمعتان فى عينيك حين ترى طيور الغروب تهجر موقعها بين المياه و السماء فانك تحب
ان كنت ترى باذنيك،تسمع بلسانك ،تلمس بعينيك،و تشم باصابعك فانك تحب
و حتى ان لم يكن لديك حبيب و حتى ان هجرك حبيبك فانك سعيد
حتى لو لم تكن تدرك ذلك فقلبك مازال ينبض
حتى لو كان للدنيا لونا اقرب للسواد فمازلت تتنفس
وهنا تستطيع ان تعلنها صريحه:
انا احب اذا انا موجود
La brize

2005-09-16T06:14:00.000-07:00

I'm used to being a kangaroo
It was 13 years ago when I met my first kangaroo.It was on TV.I asked mum about the name of such animal and she told me "It's a kangaroo".The word was really difficult and so I didn't repeat it again,but I was shocked. I thought I knew all the animals that exist.Plus this kangaroo was not in the zoo.Where did it come from then?
Mum told me that it's tall and fast.He is one of the animals that can walk on two legs only.She also told me that he has a pocket where he keeps his kids and there was really one there with a head and upper limbs shown.
As time passes I got to realize that I myself am a kangaroo.Yes I do have a pocket inside which I keep something from and for me just like the kangaroo's kid.
This thing is hope.A 3-d hope which can be "a watch" which I hope to have,&work for.By time my little into-the-pocket-kid developed into "being a doctor" to"Having a kingdom of my own"
I keep all of these in my pocket .when people see me coming with the head and upper limbs shown they think that all what I carry is so small and I myself felt the same when stood between them.Only the inhabitants of my pocket knew the truth.
Now I know I can't be going with an empty pocket and that's why I make a periodical check over its contents.On my last search I found a small hidden old picture.It was of me with only my head and upper limbs shown.I was in the pocket of some other kangaroo.
La brize

2005-09-16T06:10:00.000-07:00

Dear father
These in my point of view are points which may be of help to any guy who wants to be a beloved parent to his daughter(s) !! Ok!Girls, I know what you need to ask.This is actually the recepie of the main dish in the meal of your husband,brother or son.It's so difficult to convince them to try the new dish unless you're so lucky,but believe me it's worth trying.
1) Don't always criticize her.Start by saying ok! And expressing that it's something good.If she speaks about an idea,an act,a decision or something she had done and you didn't like so much do so then follow in a slow and clever manner what needs improvement emphasizing that you liked it allover.
2) Try to notice her hairdo,her makeup,her clothes and comment positively about anything new she has .Mention how beautiful she is, how nice is her dress.This will helps much to increase her feminine sense.
3) Try not to yell at her, not to call her names, not to speak infront of her using bad words.This is actually of a great importance because she is going to be a mother.Gaining such expirements will affect her children negatively especially if she herself became used to say such words.
4) Always treat her as if she is something so fragile,so delicate and so precious.This will enable her to be one.Avoid hurting her as much as you can.Believe me any hurt can be very easily avoided and is much difficult to repair.
N.B.following 3 and 4 will allow her to think nicely of you.She will stop fear you and will consider you as a friend of hers.
5) Show her how a gentleman could be.Never beat her.allow her to choose for herself and for you.Let her go first,ask for her opinion,..etc.This can be the way to teach her how to grow a gentleman one day.
6) Allow her to talk to you,express her feelings,her dreams and her hopes.Don't ever force her to think your way or the way you choose for her.Just propose the idea and let her think of it loudly with you.Start this early because then it would be much easier to build on.
7) If something special can be kept between you and her:a word or an act.This would be lovely.It can be your little secret and this will make her know that secrets can be shared with daddy.
8) Remind her of how much you care for her, remember her and love her every now and then. Never use the conditioned love .This will be terrifying for her .your relationship can be enforced by specializing an hour a day to be with her .Only for her .It can be for a walk or for tea for example.
9) Care about all her work ,her school ,her friends .Follow up and supervise without making her think you're an intruder.Just make it a way of expressing careness.
10) Differentiate between the time of serious talk and kidding.She needs to know that she can have a serious talk with her dad as well as being able to have fun with him.
11) Don't ever start with NO!Listen to all what she asks and give yourself time to think if refusal is really needed in such situation or it's only a way to escape responsibility.Well-reasoned refusals are much better,but take care !"Do never accept one thing then refuse it for a set of fluffy reasons ".This will make her feel that disobeying is her right. You yourself had no reason for the refusal once before.
12) Overcome your rage when she tells you about something wrong she did.If you started shouting she won't tell you all.Besides she will keep many things from you afterwards.
13) Being her friend has only one way:occupy her,understand her and start as early as possible.Bear in mind that she needs you even if she tries to convince herself that she doesn't
If you approached her a little she'll approach you more
PLEASE…
*Give her a chance to throw herself in your arms and to cry over your shoulders when she needs to.It differs a lot.
*Give yourself a chance to be her first choice when she needs councelling.
*Give yourself a chance to be her picture for the guy she hopes to marry and the son she hopes to raise
DON'T FORGET….
*You need her as much as she needs you.If not more.
*Your relationship with her mother differs a lot.Be quite intellegent if any problem occurs.
*The other way around will save you a little effort at the beginning but will cost you a lot at the end.Simply you'll demolish a lot and build so little.

La brize

2005-09-08T04:03:00.000-07:00

الدواء ....فيه سم قاتل
ناقص

حال كتير من البنات و الستات فى بلادنا دلوقتى ذى أحوال المرضى الكبار اللى عايزين العلاج القديم اللى متعودين عليه.هما مش طالبين كتير.مجرد علبة الدوا اللى ب2جنيه و 60 قرش، الخضره ده.حاجه بسيطه صحيح لكن-ناقصه!!مش موجودة.
البنات و الستات زيهم بالظبط مش عايزين كتير.كل اللى محتاجينه قلب حنين و كلمه حلوه تحسسهم انهم بنى ادمين و راجل صحيح يتسندوا عليه وقت ما الدنيا تتلغبط فوق دماغهم. هى ده كل الحكايه.حاجه بسيطه صحيح لكن-ناقصه!!مش موجودة
La brize

2005-09-08T03:55:00.000-07:00

صوره
صيدليه الباشا
أدويه- مستلزمات طبيه
عطور-مستحضرات تجميل
سرنجات فاضبه-سرنجات مليانه
مبيدات حشريه-حفاضات أطفال
3 بنات ذى القمر_صيدلى ما عندوش وقت خالص
توصيل الطلبات للمنازل
خدمه 29 ساعه:24 ساعه و 5 ساعات احتياطى
و مفاجئات اخرى عديده..............
شعارنا:ماتفكرش مرتين ..
هتلاقى زينا فين؟
La brize

2005-09-02T06:20:00.000-07:00

CURIOSITY KILLED THE…..?

Since the creation of humans, it has been obvious how so curious man is, otherwise we won’t have been able to discover the surroundings and reach what we’re in now. And till now we’re even more eager to know and discover more about every topic, even more than before.
But when the proverb “curiosity killed the cat ” was said, have they really meant the human eagerness for knowledge???
One day while I was talking with one of my friends, she told me about an incidence that happened to her when she was small. At their house there used to be a forbidden drawer in one of the cupboards, where they were not allowed to open it and of course she used to dream about all the surprises she’d find in it and the day she’d be able to open it. One day when she was alone with her brother at home, she decided that it’s her chance to open it, and although her brother warned her she didn’t listen and Oops! She was injured by a blade present there and of course was punished. I smiled when she told me remembering a similar incidence and said ‘curiosity killed the cat’, then – and I don’t know why – I realized that her brother was not as much eager as her to open it!!!!!
“Curiosity killed the cat”… think with me about it. Why have they chosen the cat in such proverb? Is it because it is kind of audacious* more than other animals? Or may be it was just figurative and they’ve meant in that case the woman?? Haven’t the ancients used to compare women to cats (delicate, moody, wild, lazy, care about their appearance…) and men to dogs (faithful, boldness, courage, patient…)? ... So may be they really mean the women.
Note I totally disagree with the last two lines!!!
In my opinion both men and women are so curious but in different ways where men are more reasonable –to some extent- and women curiosity is always for secrets and the forbidden which in most cases of no use-except for themselves of course-!!! .

Before you object or begin to wonder let me share with you 2 stories, where one is real and everyone know while the other is from the Greek mythology, and then decide what you’ll say.

1-Adam, Eve and the apple tree
Do I really have to write it? I guess all of you know how Eve was so curious to take an apple from the tree although it was forbidden by God and how she was the cause of her and Adam leaving heaven. Although Adam was in the same situation, he was never as curious as her.

2-Pandora & her box
Have any of you read such myth*? It’s really so amazing.
When ‘Prometheus’ (one of the titanes*) ruled the earth, he wanted to teach men (the morals*) lots of things to make their life happier. So he stole the fire from the Olympus (Gods’ mountain) since it was specialized for Gods only. That made Zeus(the lord of all gods) mad about him so he decided to punish him for his presumption* in disobeying the rules, and man for accepting the gift, by giving them one more gift which was Pandora-the first moral woman-to bring havoc* to man.
Pandora (means: the all gifted) was given something from each god to make her perfect (e.g. Venus gave her beauty, Hephaestus gave her voice, Hermes gave her persuasion* …etc.), then she was sent to Prometheus who was aware of what the gods could be preparing and refused the gift. But when his brother Epimetheus saw her beauty he accepted the gift- although warned by his brother not to take anything from the Olympians- and he decided to marry her.
In Epimetheus house was a box-another gift from the Olympians- which he kept sealed and warned Pandora not to open it.
But every day Pandora wondered what was in the box and she was extremely curious that she couldn’t bear not to know its contents. So she pulled the cover off.

As soon as the box was opened, all of the evil and mistrust flew out in to the world together with danger, anger, tears, envy*, revenge, spite*…etc.
Pandora quickly replaced the cover back but it was too late since all the contents of the box have escaped out except only one thing that has lay at the bottom of the box and wasn’t able to get out which was hope.

As you’ve seen in both stories the woman was curious more than it should’ve been and was the one who brought misery to human race(due to curiosity).
Of course there are more stories that prove such theory and at the same time there are exceptions that contradict it. But in my view the women now differ greatly from that time and although they still have the same level of curiosity, the civilization and the life we’re facing now gave some commonsense to every step we take.

I don’t know what your opinion is but I’ll be happy to receive your comments.
___________________________________
*audacious: متهور *myth: أسطورة *titanes: المردة *morals:الفانين، البشر *presumption:جراءة *havoc: خراب
*persuasion: القدرة على الإقناع *envy:حسد *spite: حقد

by:phaRMa

2005-08-28T06:26:00.000-07:00

كلام عيال
الشارع الحلو
هو فى الحقيقه زقاق صغير بيربط بين شارعين.حلو ليه بقه؟علشان نظيف اوى ما فيهوش ورق ولا طوب ولا حتى تراب.هوعبارة عن و معظم البيوت فيها قفص عصافير صغير او قصيص ورد فى البلكونات .
اهل الشارع ده ناس غريبة اوى علشان بيغسلوا الشارع بتاعهم تقريبا كل اسبوع .الستات تكب الميه من البلكونات و الرجاله تنظف الشارع.فى رمضان و الاعياد الشارع بيبقى رائع مليان زينه و فوانيس و انوار.
باختصار تحس ان الشارع ده قطعه من عالم غريب غير العالم اللى منه الشوارع التانيه خالص.لا فيه دوشه و لا زحمه و لا عربيات كتير و على طول ضل و هوى.
واحنا صغيرين كنا بنحب بمشى من الشارع الحلو واحنا رايحين المدرسة الصبح علشان هادى و احنا بنبقى لسه نايمين مش حمل الزعيق و الزحمه و كلاكسات العربيات و دخانها و احنا مروحين كنا بنعمل لماما باى باى من البلكونة اللى بتطل عليه.
لما كبرنا بقينا بنحب الشارع الحلو علشان بيبعدنا عن الناس و الدوشه و بيسمحلنا نتنفس اصل الدوشه اللى جوانا مع الدوشه اللى برة بتكتم النفس و تنرفز و تخلى القلب يموت. يمكن كمان علشان بيفكرنا بشارع قديم جوانا لساه نظيف و جميل و على طول ضل و هوى يمكن نكون نسيناه او بنستطول مشوارة ، لكن ساعات بنحتاج ولو حتى نشوفه من البلكونه اللى بتطل عليه ونطمن انه موجود و لساه نظيف و ضل و هوى.
بيوت صغيرة جنب بعض قدام كل واحد منهم شجرة

la brize