Monday, January 23, 2006

 
بقية الطبق
تفتكروا طعم السما ايه؟ يعنى لو اخدت حته من السما و عملتها كوره ممكن تبقى ازاى من جوه؟
اكيد ناعمه، و اكيد حلوه، و اكيد و انت بتقطم منها مش هتسيب تعاريج.صح ..بالظبط ذى خوخه مدوره و ناعمه و حلوه و من غير تعاريج.
ممكن تكون ما دقتش السما ،لكن دقت الرمان؟ طب عمرك دقت حاجه خليتك تتمنى ان كل الناس تدوقها؟ حاجه تسيب بين شفايفك طعم يخلى مهما الجوع يقرصك ما ترضاش تلخبط طعمها بطعم اى حاجه تانيه؟

يا جماعه هى دى رمانه او بمعنى اصح فرط الرمان .

كنت دايما لما بشوف فرط الرمان باحس انه خساره فى الاكل. اصله بجد اجمل من انه يتاكل و خلاص و كنت باحس انه اقرب للجواهر منه للفاكهه.الله مثلا على عقد فرط الرمان!! لكن لما كنت باحاول اعمل منه عقد كان بيبقى اضعف من انه يستحمل ثوانى و يرجع تانى فرط رمان.
*فى الشتا قدام البحر و انت بتتنفس هوا اسكندريه الساقع ،لابس 50 حاجه فوق بعض و مفيش غير وشك و كفوفك بس هما اللى بيستقبلوا الهوا.تحس فجأه ان كل احساس فيك ممكن تعبر عنه نسمة هوا بارد تلمس وشك او كفوفك.
اهو انا بقه كل ما ادوق الرمان احس بكده! احس ان حبات فرط الرمان يقدروا يعبروا عن كل احساس فيا .

احس بالحريه من تدافعهم وقت الخروج من الثمره ،و بالجمال من روعة درجات الوان الحبه القرمزى الشفاف ،و بالرقه من دوبان الحبات فى حضن شفايفى ،و بالشقاوه من ضحكات رذاذ عصيرهم جوايا و برغم ده كله لو شفتهم و هما جوا الثمره تحس انهم بيندهولك بروح شاربه من الشقا و كأن الشجره متشاله على كتافهم مش هما اللى متشعلقين فيها.

فرط الرمان بقى من غير ما تعرف اسمها تحتار تقول عليها ايه: ريشه حمامه وقعت من جناح مكسور و دواها الهوا ،ولا كام نقطة ملونه وقعوا من ريشة طفل صغير فوق باليته و لما اتجمعوا عملوا لوحه جميله و محندقه
يمكن كمان تقول عليها اوضه و ليها الف باب منهم بابين متغطيين بقماشه سوده و مسنكرين باقفال نحاس و ان شفتهم يمكن تخاف او تفتكرانهم بينادوك علشان تشيل لون الزمان ولو قربت منهم هتلاقى نفخه واحده منك تبين جنه اجمل شجره فيها شجرة الرمان
ممكن كمان توصفها بانها ممكن تلخص الحياه كل الحياه فى اٌهه دايبه و دمعتين و ساعات تقولها بشعره طايره و ضحكه بتخلى الهوا حتى الهوا يدوب حنين

عارف ازاى ممكن تكون مبهور لو انك بتشوف لأول مره ثمرة رمان و لقيت قشرتها بتتفتح و كل حبه بتخلع شالها و تنزل عشان تستقبلك.
تخيل بقه لو قلبك هو اللى كان تحت القشره و خلع شاله و حب يستقبل الحياه.اهى دى بالظبط فرط الرمان:قلبى و قلب خوخه و كل اللى فى الطبق خالعين شيلانهم و بكل ذره فى كيانهم بيستقبلوا الحياه.بالرغم من انهم شايفين سكاكين الحياه و ياما داقوا طعمها و يمكن كمان من مرها افتكروا طعم الحلو راح الا انهم لسه بيعاندوا الحياه.
وكأنهم مقررين يا يدوبوا يا تدوب الحياه.
ناقص حاجه...
فرط الرمان بقه اصعب ما فيها انها سهل اوى تجرى من بين صوابعى و تهرب و تستخبى
هاعمل ايه؟ ما هى لازم تفضل فرط الرمان...
مازلنا فى الطبق
La brize

Comments:
ايه ده؟! حلوة ديه عجبتني جدًا.
 
"يمكن كمان تقول عليها اوضه و ليها الف باب منهم بابين متغطيين بقماشه سوده و مسنكرين باقفال نحاس و ان شفتهم يمكن تخاف او تفتكرانهم بينادوك علشان تشيل لون الزمان ولو قربت منهم هتلاقى نفخه واحده منك تبين جنه اجمل شجره فيها شجرة الرمان"

تحية لمن ذاق الرمان فأبدع في الكلام عنه

و تحية لفرط عاش ليعقد ما فرط من الناس في ذاتهم, متناسيا ما تساقط من نقاطه الملونة
من لخص الحياة في اهه, و مازال يعاند رغم السكاكين
من حلم بالحرية فسُلبها
من قاتل لأحلام البشر فنسوه و نساه حلمه
تحية و حب و تقدير لمن أذاقتنا دوما طعم السماء
من حملتنا على ريشاتها فعلمتنا هبة استقبال الحياة
 
تحس فجأه ان كل احساس فيك ممكن تعبر عنه نسمة هوا بارد تلمس وشك او كفوفك

مش كده برضه؟!
 
I read over your blog, and i found it inquisitive, you may find My Blog interesting. So please Click Here To Read My Blog

http://pennystockinvestment.blogspot.com
 
تحفة وصفتي حاجات كتير انا بعشقها الرمان بس عمري ما حاولت اعمله عقد
و السما انا بحسها غزل البنات
 
منتديات ليلوز كافيه

شبكة ليلوز كافيه

منتديات وتلومني فيك

شبكة وتلومني فيك

زفات

زفات بدون موسيقى

اغاني بدون موسيقى

كلمات اغاني

زفات

زفات راشد الماجد

زفات حسين الجسمي

زفات محمد عبده

زفات عبدالمجيد عبدالله


نشيد - اناشيد - كليبات أناشيد - محاضرات - القران - أناشيد طيور الجنه

أزياء - فساتين - فساتين اطفال - موديلات - إكسسوارات - عرايس

مكياج - ميك اب - عطورات - تسريحات - خلطات

ديكور - ديكور للمنزل - اثاث للمنزل

أطباق رئيسية - مأكولات - مقبلات - حلويات

ميك آب أدم - أزياء أدم - عطورات أدم

صور إنمي - أفلام إنمي - رسوم متحركه - أفلام كرتون

سينما - مسلسلات - أفلام - مسلسلات رمضان 2009

أخبار المشاهير - صور الفنانين - عالم الفن

زفات - أغاني بدون موسيقى - كلمات أغاني

برامج ماسنجر - سكربتات ماسنجر - برامج msn - ثيمات للماسنجر

صور ماسنجر - صور مسن - إختصارات ورموز للماسنجر

توبيكات ماسنجر - توبيكات ماسنجر ملونه - نكات ماسنجر

برامج الفوتوشوب - صور تصاميم - صور للمصممين - خلفيات للتصميم - تصاميم الاعضاء

خامات - فلاتر - فرش - سكرابز - خطوط - باترن - اكشن - جلتر

سويتش - فلاش - ملفات مفتوحه - دروس فوتوشوب وسويتش

برامج جوال - ثيمات جوال - العاب جوال - موديلات جوال

بلوتوث - Bluetooth - مقاطع بلوتوث - نغمات جوال

رسائل SMS ـ رسائل MMS - مسجات mms - وسائط أغاني

برامج - برامج الحماية - برامج الملتميديا - برامج الصيانة

العاب كمبيوتر - العاب أكشن - العاب PC كمبيوتر
 
رائعة جدا "عيالي|" في انتظار المزيد
 
Post a Comment

<< Home

This page is powered by Blogger. Isn't yours?