Sunday, September 25, 2005

 
حاجه حلوه
لابسه ابيض فى ابيض
ذى لون الهوا او مية الشط
و المراجيح
نايمه
اجمل ما فيها.......
انك تقدر تشوف قلبها
بين ملمحها
فى خدها و عنيها و ايديها
حتى فى شعره عايزه تسيب الرابطه
و مكسوفه.........
تقدر تحس ان كل ما فيها
بيحبها
،و انها عارفه
و مش عارفه
ان مش كل الناس كده
ساعات تتمنى تكون حلوه
و ساعات بتعرف انها حلوه
مش من كلام الناس
ولا من فرحة الهوا و الورد و العيال
لما يشفوها
لكن عشان
خدها وعنيها و ايديها
و الشعره اللى كانت عايزه تسيب الرابطه
فضلوا وياها
......ناعمين...و فرحانين..
La brize

Comments:
فعلا حاجة حلوة.. إن شئنا الدقة هي أحلى حاجة في الدنيا...
 
Post a Comment

<< Home

This page is powered by Blogger. Isn't yours?